BY 15 кастрычніка на філалагічным факультэце БДУ адбылося адкрыццё выставы плакатаў «БДУ вачыма замежных студэнтаў». Выстава прысвечана святкаванню 100-годдзя нашага ўніверсітэта. Мэта выставы – адлюстраваць у форме плаката ролю БДУ ў жыцці замежных студэнтаў.
Кожны наведвальнік выставы можа прыняць удзел у галасаванні за лепшы плакат. Для гэтага трэба напісаць нумар плаката, які спадабаўся, на паперы і пакласці яго ў скрыню для галасавання. Таксама ацэньваць творчыя работы студэнтаў будзе журы, у склад якога ўваходзяць супрацоўнікі дэканата і выкладчыкі кафедры прыкладной лінгвістыкі. Падвядзенне вынікаў конкурсу і ўзнагароджанне пераможцаў адбудзецца 22 кастрычніка 2021 года.
