Урачыстае пасяджэнне Савета філалагічнага факультэта з нагоды 100-годдзя Беларускага дзяржаўнага ўніверсітэта

26 кастрычніка прайшло ўрачыстае пасяджэнне Савета філалагічнага факультэта, прымеркаванае да 100-годдзя Беларускага дзяржаўнага ўніверсітэта. Ганаровым госцем пасяджэння стаў першы прарэктар БДУ Дзмітрый Георгіевіч Мядзведзеў.

Мерапрыемства пачалося з віншавальных слоў дэкана філалагічнага факультэта Сяргея Аляксандравіча Важніка і відэазвароту рэктара БДУ Андрэя Дзмітрыевіча Караля.

Супрацоўнікі філалагічнага факультэта былі ўзнагароджаны ганаровымі граматамі Міністэрства адукацыі Рэспублікі Беларусь, дыпломамі Беларускага дзяржаўнага ўніверсітэта і нагрудным знакам «100 год БДУ».

У арыгінальнай форме павіншавалі ўніверсітэт і сваіх выкладчыкаў замежныя студэнты. Завяршэннем пасяджэння Савета стала музычнае выступленне студэнткі 1 курса Варвары Штэфірцы і студэнта 2 курса Аляксея Нямковіча.

Віншуем супрацоўнікаў факультэта з іх заслужанымі ўзнагародамі! Жадаем плённай працы і творчых поспехаў!