BY 
Студэнты трэцяга курса філалагічнага факультэта спецыяльнасці «Рамана-германская (англійская) філалогія» сталі пераможцамі I Міжнароднага конкурсу мастацкага перакладу «Кветкі з чужых палёў», праведзенага кафедрай тэорыі і практыкі перакладу факультэта сацыякультурных камунікацый Беларускага дзяржаўнага ўніверсітэта і кафедрай англійскай мовы Інстытута сацыяльных і гуманітарных навук Федэральнай дзяржаўнай бюджэтнай адукацыйнай установы вышэйшай адукацыі «Валагодскі дзяржаўны ўніверсітэт».
Дыпломам I ступені была ўзнагароджана Дзядкова Сафія ў намінацыі «Пераклад беларускай паэзіі на англійскую мову».
Дыплом II ступені атрымала Арабіна Анастасія ў намінацыі «Пераклад амерыканскай паэзіі на беларускую мову».
Дыпломам III ступені была адзначана Адахоўская Марта ў намінацыі «Пераклад англійскай прозы на беларускую мову».
Конкурсныя работы даслалі 114 удзельнікаў з розных навучальных устаноў Рэспублікі Беларусь і Расійскай Федэрацыіі.
