Школа беларусіста

ЗАПРАШАЕМ вучняў 8-11 класаў устаноў агульнай сярэдняй адукацыі (устаноў сярэдняй спецыяльнай адукацыі) Рэспублікі Беларусь пазнаёміцца з філалагічным факультэтам БДУ і далучыцца да Школы беларусіста.

З намі вы зможаце:

- пазнаёміцца з найбольш значнымі помнікамі беларускай пісьменнасці;

- паглыблена вывучаць славянскія мовы, у першую чаргу - беларускую;

- пашырыць веды аб сучасных тэндэнцыях развіцця мовы;

- павысіць свой агульнамоўны ўзровень.

НАВУЧАННЕ БЯСПЛАТНАЕ.

УВАГА! Вучням, якія паспяхова пройдуць навучанне ў Школе беларусіста, будуць уручаны пасведчанні.

 КАЛІ: 2 разы на месяц па суботах. У раскладзе магчымы змены.

ДЗЕ: вочна (філалагічны факультэт БДУ, г. Мінск, вул. К. Маркса, 31, аўд. 51) або дыстанцыйна (спасылка ў раскладе).

Каб стаць вучнем Школы юнага беларусіста, неабхнодна:

• запоўніць форму рэгістрацыі;
• для наведвання вочных заняткаў бацькам (законным прадстаўнікам) трэба дадаткова запоўніць заяву на папяровым носьбіце (спасылка для спампоўвання бланка) і перадаць куратару-валанцёру школы.

 ПРЫКЛАДНАЯ ПРАГРАМА (ТЭМАТЫКА) ЗАНЯТКАЎ

1. Тэкст як сістэма адзінак і ўзроўняў

Знаёмства з сістэмай мовы, яе структурай.

2. Нормы ў мове

Практычная работа з канкрэтнымі рэалізацыямі нормы на розных узроўнях мовы.

3. Гісторыя станаўлення і развіцця беларускай літаратурнай мовы

Неабходныя для разумення сучасных лінгвістычных працэсаў гістарычныя звесткі аб мове.

4. Беларуская мова ў славянскім свеце

Месца сучаснай беларускай літаратурнай мовы ў моўнай сям’і, групе, агульнае і адрознае ў славянскіх мовах.

5. Фанетыка

Фанетычныя працэсы сучаснай беларускай літаратурнай мовы, нормы, узаемадзеянне з іншымі моўнымі ўзроўнямі.

6. Славянскія мовы і беларусістыка

Асаблівасці славянскіх моў і іх уплыў/узаемадзеянне на/з беларускую/-ай.

7. Марфеміка і словаўтварэнне

Паняцце аб марфеме, характарыстыка марфем, словаўтваральныя працэсы, марфемны і словаўтваральны аналіз.

8. Лексіка

Лексема як асноўная адзінка лексікону, план зместу і план выражэння, аспекты даследавання.

9. Фразеалогія

Паняцце аб фразеалагізме. Аспекты вывучэння. Роля ў сістэме мовы.

10. Марфалогія

Марфалогія як частка граматыкі. Асноўныя паняцці і катэгорыі.

11. Сінтаксіс

Сінтаксіс як частка граматыкі, асноўныя адзінкі, паняцці, падыходы да вывучэння.

12. Стылістыка і культура беларускага маўлення

Камунікатыўныя якасці маўлення, маўленчыя і ўласнастылістычныя памылкі.

Выкладчыкі:

прафесар  М.Р. Прыгодзіч,

прафесар Т.Р. Рамза,

дацэнт Ю.В. Назаранка,

дацэнт Г.К. Чахоўскі,

дацэнт М.І. Свістунова,

дацэнт А.Л. Садоўская,

старшы выкладчык А.А. Радзевіч,

Адказны арганізатар Школы беларусіста  – Назаранка Юлія Віктараўна, дацэнт кафедры беларускага мовазнаўства філалагічнага факультэта БДУ.

Больш падрабязную інфармацыю можна атрымаць па тэл. +375 29 1359459 або па электроннай пошце Адрес электронной почты защищен от спам-ботов. Для просмотра адреса в браузере должен быть включен Javascript..