Школа кітаязнаўца

ЗАПРАШАЕМ навучэнцаў 6–11 класаў устаноў агульнай сярэдняй адукацыі (устаноў сярэдняй спецыяльнай адукацыі) Рэспублікі Беларусь пазнаёміцца з філалагічным факультэтам БДУ і далучыцца да Школы юнага кітаязнаўцы.

З намі вы зможаце:

- атрымаць новыя веды аб кітайскай літаратуры і культуры;

-  развіць пачатковы ўзровень валодання кітайскай мовай;

- вызначыцца з выбарам будучай прафесіі, звязанай з кітайскай мовай і сумежнымі філалагічнымі напрамкамі.

НАВУЧАННЕ БЯСПЛАТНАЕ.

КАЛІ: 2 разы на месяц (субота). Час правядзення – у адпаведнасці з раскладам. У раскладзе магчымы змены.

ДЗЕ: дыстанцыйна (спасылкі ў раскладе).

Каб стаць вучнем Школы юнага кітаязнаўца, неабхнодна:

• запоўніць форму рэгістрацыі;
• для наведвання вочных заняткаў бацькам (законным прадстаўнікам) трэба дадаткова запоўніць заяву на папяровым носьбіце (спасылка для спампоўвання бланка) і перадаць куратару-валанцёру школы.

ПРЫКЛАДНАЯ ПРАГРАМА (ТЭМАТЫКА) ЗАНЯТКАЎ

1. Маўленчы этыкет кітайскай мовы.

Вывучаем асновы этыкі прывітання, знаёмства, развітання ў кітайскай моўнай культуры. Разглядаем устойлівыя выразы: віншаванні са святамі, пажаданні поспеху, правілы і звычаі адносін паміж старэйшым і малодшым пакаленнямі.

2. Значэнне кітайскіх імён.

Даследуем значнасць імён і прозвішчаў у кітайскай культуры. Вывучаем гісторыю дзесяці найбольш уплывовых прозвішчаў Кітая. Дапамагаем вучням выбраць значнае кітайскае імя для зносін з носьбітамі мовы.

3. Мастацтва каліграфіі.

Кітайская іерагліфічная пісьменнасць: гістарычны нарыс. Разуменне розных стыляў каліграфіі: цаошу, кайшу, сіншу. Персаналіі выдатных каліграфаў: Ван Січжы, Ван Вэй, Су Шы, Шэнь Іньмо, Ван Гачжэнь.

4. Асаблівасці кітайскай чайнай цырымоніі.

Нацыянальныя традыцыі і асаблівасці кітайскай чайнай цырымоніі. Асноўныя атрыбуты чайнай цырымоніі. Назвы гатункаў гарбаты: семантыка, гістарычны і міфалагічны аспекты. Фразеалагізмы і ўстойлівыя выразы, якія адлюстроўваюць традыцыі і культуру чайнай цырымоніі.

5. Асновы кітайскай міфалогіі.

Вывучаем стварэнне свету паводле кітайскай міфалогіі; пантэон багоў паводле даоскай і будыйскай міфалогіі. Вывучаем вобразы і сімвалы легендарных жывёл і раслін у кітайскай культуры. Ідыёмы-чэн'юі як адлюстраванне асноўных міфалагем у кітайскай мове.

6. Классічная кітайская літаратура. Раман.

Чатыры Вялікія творы: «Трохцарства» (XIV ст.), «Рачныя затокі» (каля XV ст.), «Падарожжа на Захад» (XVI ст.), «Сон у чырвоным цераме» (XVIII ст.): гісторыя, вобразы-сімвалы, персанажы.

7. Классічная кітайская літаратура эпохі Тан.

Вывучаем творчасць вялікіх танскіх паэтаў: Лі Бо, Ду Фу, Ван Вэя, Мэн Хаажаня, Бо Цзюі, Лі Шан'іня. Чытаем і слухаем вершы на мове арыгінала, каментуем культурныя рэаліі, чытаем найбольш рэпрэзентатыўныя пераклады на беларускай і рускай мове.

8. Сучасная кітайская літаратура: навуковая фантастыка.

Вывучаем творчасць кітайскіх пісьменнікаў Лю Цысіня, Чэнь Цюфаня, Баошу, Фэй Дао. Даследуем адрозненні кітайскай навуковай фантастыкі ад еўрапейскага напрамку. Чытаем і абмяркоўваем апавяданне  «Робат, які любіў расказваць небыліцы» Фэй Дао.

Выкладчыкі:

дацэнт Букатая А.М.,

дацэнт Жукавец В.В.,

старшы выкладчык  Бабкіна П.С.,

старшы выкладчык  Фу Сюеін,

выкладчык  Зелянкова Е.Е.,

выкладчык Хатулёва А.В.

выкладчык Пратасеня Н.С.

Адказны арганізатар Школы кітаязнаўцы – дацэнт кафедры кітайскай філалогіі Жукавец Вераніка Вячаславаўна.

Больш падрабязную інфармацыю можна атрымаць па тэл. (+375 17) 378-63-78 і электроннай пошце Адрес электронной почты защищен от спам-ботов. Для просмотра адреса в браузере должен быть включен Javascript..