Школа лацініста

ЗАПРАШАЕМ навучэнцаў 8–11 класаў устаноў агульнай сярэдняй адукацыі (устаноў сярэдняй спецыяльнай адукацыі) Рэспублікі Беларусь пазнаёміцца ​​з філалагічным факультэтам БДУ і далучыцца да Школы лацініста. 

З намі вы зможаце:

- пазнаёміцца ​​з унікальнай спецыяльнасцю, набор на якую праходзіць раз на чатыры гады (і ў наступным годзе вам якраз выпадзе гэты шчаслівы шанц!);

- атрымаць новыя веды аб міфалогіі і літаратуры Старажытнай Грэцыі і Старажытнага Рыма;

- даведацца, як культура Старажытнай Грэцыі і Старажытнага Рыма паўплывала на сучасную цывілізацыю;

- пазнаёміцца ​​з лацінскай і старажытнагрэчаскай мовамі і даведацца, чаму без іх немагчыма паўнавартаснае вывучэнне моў сучасных;

- даведацца пра месца лацінскай мовы ў гісторыі і культуры Беларусі;

- вызначыцца з выбарам будучай прафесіі, звязанай са спецыяльнасцю "Класічная філалогія".

НАВУЧАННЕ БЯСПЛАТНАЕ.

УВАГА! Навучэнцам, якія паспяхова пройдуць падрыхтоўку ў Школе лацініста, будуць уручаны пасведчанні.

КАЛІ: 1-2 разы на месяц па суботах згодна з раскладам. У раскладзе магчымыя змены.

ДЗЕ: філалагічны факультэт БДУ, г. Мінск, вул. К. Маркса, 31, аўд. 207 альбо ДУА "Сярэдняя школа № 66 г. Мінск" (вочна з дыстанцыйнай падтрымкай курса).

Каб стаць вучнем Школы лацініста, неабхнодна:

запоўніць форму рэгістрацыі;

для наведвання вочных заняткаў бацькам (законным прадстаўнікам) трэба дадаткова запоўніць заяву на папяровым носьбіце (спасылка для спампоўвання бланка) і перадаць куратару-валанцёру школы.

ПРЫКЛАДНАЯ ПРАГРАМА (ТЭМАТЫКА) ЗАНЯТКАЎ

1. Як узнікла лірыка.
2. Спорт у гімнасіі і філасофская дыскусія ў тэрмах: дзе вучыліся і размаўлялі грэкі і рымляне.
3. Дазвольце адрэкамендавацца ‒ класічная філалогія!
4. З чаго смяяліся рымляне?
5. Па чым плакалі рымляне?
6. Рэклама здаровага ладу жыцця ў рымскай паэзіі.
7. Навука супраць страху. Чытаем Лукрэцыя.
8. Грэка-лацінская тэрміналогія ў біялогіі і медыцыне.
9. Міфалагічны букет: "антычныя" назвы жывёл і раслін.
10. Ідзем па зорках: міфалогія і астраномія.
11. Зазірнем у каляндар: антычныя міфалагемы ў сучасных мовах.
12. Да вытокаў сучасных моў: знаёмімся з латынню.
13. Лацінамоўныя надпісы ў храмавай культуры Беларусі.
14. Старажытнагрэчаская мова: жывая праз тысячагоддзі.
15. Ёсць нагода для гонару! Лацінамоўная літаратура Беларусі.

Выкладчыкі:

старшы выкладчык Сядзініна-Баркоўская Юлія Анатольеўна;  студэнты 4 курса спецыяльнасці «Класічная філалогія».

Адказны арганізатар Школы лацініста - Сядзініна-Баркоўская Юлія Анатольеўна, старшы выкладчык кафедры класічнай філалогіі філалагічнага факультэта БДУ. Таксама ў рабоце школы нам будуць дапамагаць студэнты-цьютары спецыяльнасці "Класічная філалогія".

Больш падрабязную інфармацыю можна атрымаць па тэл. (+375-17) 375-27-40 або па электроннай пошце Адрес электронной почты защищен от спам-ботов. Для просмотра адреса в браузере должен быть включен Javascript.