BY Вынікі конкурсу эсэ «Гісторыя БДУ – гісторыя маёй сям’і – мая гісторыя», арганізаванага кафедрай рускай мовы да 100-годдзя ўніверсітэта, былі падведзены 26 мая. У конкурсе прынялі ўдзел студэнты філалагічнага факультэта і факультэта журналістыкі. Пераможцай конкурсу стала студэнтка 1 курса філалагічнага факультэта спецыяльнасці «Рамана-германская філалогія» Кацярына Лебедзева. Прызёры конкурсу – студэнтка 3 курса факультэта журналістыкі спецыяльнасці «Журналістыка (друкаваныя СМІ)» Марына Кішкурно і студэнтка 2 курса філалагічнага факультэта спецыяльнасці «Руская філалогія» Наталля Грэчная. Загадчык кафедры рускай мовы Іван Сямёнавіч Роўда павіншаваў аўтараў лепшых работ і ўручыў ім узнагароды.
Дзякуем усім удзельнікам конкурсу за шчырую цікавасць да гісторыі ўніверсітэта і за асабістае неабыякавае стаўленне да значнай даты!
Эсэ пераможцы і прызёраў можна прачытаць тут.
