Сэрвісы

Падведзены вынікі конкурсу творчых праектаў “Маё ўспрыманне асобы і творчасці Івана Шамякіна”, прысвечанага 100-годдзю з дня нараджэння Народнага пісьменніка Беларусі

28 мая 2021 года на філалагічным факультэце Беларускага дзяржаўнага ўніверсітэта былі падведзены вынікі конкурсу творчых праектаў “Маё ўспрыманне асобы і творчасці Івана Шамякіна”, прысвечанага 100-годдзю з дня нараджэння Народнага пісьменніка Беларусі. Конкурс праходзіў на працягу лютага 2021 года і з’яўляўся адным з пунктаў Плана мерапрыемстваў кафедры тэарэтычнага і славянскага літаратуразнаўства і кафедры гісторыі беларускай літаратуры па святкаванні 100-годдзя Івана Шамякіна.

На ўдзел у конкурсе падалі заяўкі 24 чалавекі – школьнікі з Міханавічскай СШ Мінскага раёна, Навіцкавіцкай СШ Камянецкага раёна, СШ № 153 і гімназіі № 11 г. Мінска, студэнты і выкладчыкі філалагічнага і гістарычнага факультэтаў БДУ, супрацоўнікі бібліятэкі-філіяла № 2 імя І. Шамякіна УК «Цэнтралізаваная сістэма дзяржаўных публічных бібліятэк г. Магілёва».

Журы конкурсу ў складзе супрацоўнікаў кафедры тэарэтычнага і славянскага літаратуразнаўства БДУ доктара філалагічных навук, прафесара Т. І. Шамякінай і кандыдата філалагічных навук С. В. Шамякінай, а таксама дацэнта Інстытута пагранічнай службы кандыдата філалагічных навук М. В. Шамякінай (дачкі і ўнучак пісьменніка) вылучыла 9 лепшых прац, аўтарам якіх былі ўручаны граматы ўдзельнікаў конкурсу. Сярод іх асобна былі адзначаны 4 пераможцы па намінацыях:

“Чытанне твора” – пераможца Янушкевіч Вікторыя, студэнтка 3 курса спецыяльнасці “Славянская філалогія” філалагічнага факультэта БДУ;

“Фоталетапіс” – пераможцы Несцер Ганна і Пратасава Марыя, студэнткі 1 курса спецыяльнасці “Руская філалогія” філалагічнага факультэта БДУ;

“Буктрэйлер” – пераможца Трухановіч Ян, вучань 8 класа гімназіі № 11 г. Мінска;

“Цытаты і выказванні” – пераможца Равінская Святлана Валер’еўна, загадчык бібліятэкі-філіяла № 2 імя І. Шамякіна УК «Цэнтралізаваная сістэма дзяржаўных публічных бібліятэк г. Магілёва».

Пераможцам былі ўручаны кнігі – выбраныя творы Івана Пятровіча Шамякіна, манаграфіі Таццяны Іванаўны Шамякінай і Славяны Вячаславаўны Шамякінай.

Вялі цырымонію загадчык кафедры тэарэтычнага і славянскага літаратуразнаўства дацэнт Т. А. Марозава і дацэнт кафедры С. В. Шамякіна. З прывітальным словам да ўдзельнікаў звярнуўся загадчык кафедры гісторыі беларускай літаратуры прафесар А. І. Бельскі.

Арганізатары ўпэўнены, што вынікі конкурсу актывізуюць творчыя сувязі паміж школьнікамі, студэнтамі і выкладчыкамі рэспублікі, будуць спрыяць павелічэнню цікавасці да вывучэння шматграннай асобы і пісьменніцкага таленту Івана Шамякіна.

IMG 20210528 142248

IMG 20210528 145627

IMG 20210528 150351

Image

Рэсурсы

Image
Image