BY 1 лiстапада адбылося падвядзенне вынiкаў конкурсу плакатаў «БДУ вачыма замежных студэнтаў», прысвечанага 100-годдзю нашага ўнiверсiтэта. Першае месца падзялiлi памiж сабою 21 i 22 групы 3 курса, а таксама 21 група 2 курса. Ганаровыя граматы ўдзельнікам былi ўручаны намеснiкам дэкана па навуковай рабоце Таццянай Васiльеўнай Мальцэвiч i старшынёй аргкамiтэта конкурсу загадчыцай кафедры прыкладной лiнгвiстыкi Аксанай Мiхайлаўнай Дарагакупец-Навiцкай.
Студэнты і супрацоўнікі філалагічнага факультэта мелі магчымасць не толькi паглядзець на ўнiверсiтэцкае жыццё вачыма замежных студэнтаў, але i аддаць свой голас за работу, якая спадабалася. Лепшым, на думку гледачоў, прызнаны плакат 21 групы 2 курса.
Загадчыца кафедры прыкладной лiнгвiстыкi Аксана Міхайлаўна Дарагакупец-Навiцкая падзякавала ўсiм замежным студэнтам за актыўны ўдзел у конкурсе, асобна адзначыўшы першакурснiкаў. Для замежных студэнтаў, якiя жывуць i вучацца далёка ад дому, вельмi важна адчуць сябе часткай унiверсiтэцкай сям’i.
