BY 12 красавіка 2021 г. кафедра кітайскай філалогіі філалагічнага факультэта і кафедра кітайскай мовы Рэспубліканскага інстытута кітаязнаўства імя Канфуцыя Беларускага дзяржаўнага ўніверсітэта арганізавалі і правялі цырымонію ўзнагароджвання пераможцаў конкурсу мастацкіх перакладаў з кітайскай мовы «Люстэрка слоў» сярод навучэнцаў, студэнтаў і слухачоў курсаў. Мерапрыемства было прысвечана 100-годдзю Беларускага дзяржаўнага ўніверсітэта, 20-годдзю выкладання кітайскай мовы на філалагічным факультэце і 10-годдзю кафедры кітайскай філалогіі.
З прывітальным словам да ўдзельнікаў цырымоніі звярнуліся дэкан філалагічнага факультэта дацэнт С.А. Важнік і дырэктар Рэспубліканскага інстытута кітаязнаўства імя Канфуцыя прафесар А.А. Тозік, якія адзначылі выключную ролю перакладаў у папулярызацыі класічнай і сучаснай кітайскай літаратуры, падкрэслілі высокі ўзровень праведзенага мерапрыемства; дацэнт кафедры мовазнаўства і краіназнаўства Усходу факультэта міжнародных адносін БДУ Н.І. Рудэнка распавяла пра важнасць конкурсу перакладаў у справе падрыхтоўкі будучуга спецыяліста-сінолага; галоўны рэдактар газеты “Літаратура і Мастацтва” А.І. Чарота падкрэсліў выключную ролю перакладаў у літаратурным працэсе Беларусі і Кітая ў ХХ-ХХI стст.; загадчык кафедры кітайскай філалогіі М.М. Хмяльніцкі адзначыў, што конкурс мастацкіх перакладаў стаў традыцыйным мерапрыемствам кафедры кітайскай філалогіі і набыў вядомасць у сацыякультурнай і адукацыйнай прасторы Беларусі.
У літаратурна-творчым спаборніцтве прынялі ўдзел больш за 50 удзельнікаў – навучэнцаў сэрэдніх і вышэйшых навучальных устаноў краіны. Аўтарытэтнае журы, у склад якога ўвайшлі супрацоўнікі кафедры кітайскай філалогіі, перыядычных выданняў і творчых аб’яднанняў Беларусі, вызначыла наступных пераможцаў: у намінацыі «Лепшы мастацкі пераклад кітайскай класічнай паэзіі на беларускую мову» дыплом I ступені атрымаў студэнт чацвёртага курса філалагічнага факультэта БДУ Баравік Мікіта Андрэевіч, дыплом II ступені – студэнтка другога курса факультэта міжнародных адносін БДУ Самедава Салмі Гасымаўна; у намінацыі «Лепшы мастацкі пераклад кітайскай класічнай паэзіі на рускую мову» дыплом I ступені атрымала студэнтка другога курса філалагічнага факультэта БДУ Валюк Яна Уладзіміраўна, дыплом II ступені – студэнтка трэцяга курса філалагічнага факультэта БДУ Комлева Яна Аляксандраўна, дыплом IIІ ступені – вучаніца 10 класа ДУА “Гімназія №10 г. Гомеля” Жалязнова Васіліса Аляксандраўна; у намінацыі «Лепшы мастацкі пераклад сучаснай кітайскай паэзіі на беларускую мову» дыплом I ступені атрымаў студэнт чацвёртага курса філалагічнага факультэта БДУ Баравік Мікіта Андрэевіч, дыплом II ступені – студэнтка чацвёртага курса філалагічнага факультэта БДУ Еўтушкевіч Анастасія Віктараўна, дыпломы III ступені – слухачы курсаў Рэспубліканскага інстытута кітаязнаўства імя Канфуцыя БДУ Вараб’ёва Дар’я Сяргееўна і Лепешко Ірына Уладзіміраўна; у намінацыі «Лепшы мастацкі пераклад сучаснай кітайскай паэзіі на рускую мову» дыплом I ступені атрымала студэнтка трэцяга курса факультэта міжнародных адносін БДУ Тонкіх Мая Уладзіміраўна, дыплом II ступені – студэнтка другога курса філалагічнага факультэта БДУ Шафар Дар’я Мікалаеўна, дыплом III ступені – студэнтка пятага курса факультэта кітайскай мовы і культуры МДЛУ Хмара Ксенія Паўнаўна; у намінацыі «Лепшы мастацкі пераклад кітайскай прозы на беларускую мову» дыплом I ступені атрымала студэнтка трэцяга курса факультэта кітайскай мовы і культуры Ярамко Марына Віктараўна, дыплом II ступені – студэнтка чацвёртага курса факультэта міжнародных адносін БДУ Хмяльніцкая Валерыя Іванаўна, дыпломы III ступені – студэнт трэцяга курса факультэта кітайскай мовы і культуры МДЛУ Шымановіч Аляксандр Ігаравіч і слухач курсаў Рэспубліканскага інстытута кітаязнаўства імя Канфуцыя БДУ Слабковіч Кацярына Аляксееўна; у намінацыі «Лепшы мастацкі пераклад кітайскай прозы на рускую мову» дыплом I ступені атрымала студэнтка пятага курса факультэта кітайскай мовы і культуры МДЛУ Хмара Ксенія Паўлаўна, дыплом II ступені – студэнтка чацвёртага курса факультэта міжнародных адносін БДУ Серадзюк Кацярына Андрэеўна, дыпломы III ступені – студэнт другога курса факультэта міжнародных адносін БДУ Мірашнічэнка Леанід Аляксандравіч і студэнтка чацвёртага курса філалагічнага факультэта БДУ Данільчук Вікторыя Андрэеўна.
Лепшыя пераклады ўдзельнікаў конкурсу мастацкіх перакладаў з кітайскай мовы “Люстэрка слоў” (беларускамоўныя пераклады) будуць апублікаваны на старонках газеты “Літаратура і Мастацтва”. Пераможцы творчага спаборніцтва, акрамя дыпломаў, атрымалі каштоўныя прызы ад Рэспубліканскага інстытута кітаязнаўства імя Канфуцыя БДУ.
Конкурс мастацкіх перакладаў з кітайскай мовы “Люстэрка слоў” прайшоў на высокім узроўні і засведчыў вялікую цікавасць да традыцыйнай і сучаснай славеснасці Кітая сярод моладзі нашай краіны.
