BY 
14 красавіка 2025 года на філалагічным факультэце прайшло пашыранае пасяджэнне навуковай школы Беларускага дзяржаўнага ўніверсітэта «Тэорыя і практыка выкладання мовы, літаратуры і рыторыкі» па тэме: «Дынастыі ў навуцы». Мерапрыемства прысвечана сямейнай дынастыі навукоўцаў-педагогаў Ірыны Міхайлаўны Саніковіч і Таццяны Уладзіміраўны Рубанік. Агульны навукова-педагагічны стаж дынастый у БДУ – 125 гадоў.
З прывітальным словам да ўдзельнікаў мерапрыемства звярнуўся дэкан філалагічнага факультэта БДУ Сяргей Аляксандравіч Важнік. Ён адзначыў ролю заснавальніка навуковай супольнасці прафесара Мурынай Ларысы Аляксандраўны і падкрэсліў пераемнасць навуковых пакаленняў.
З прапановамі па развіцці навукова-даследчага партнёрства з сумежнымі кафедрамі факультэта і ўніверсітэта выступілі дырэктар-дэкан Інстытута дадатковай адукацыі БДУ Павел Іванавіч Навойчык, загадчыца кафедры агульнаадукацыйных дысцыплін Інстытута дадатковай адукацыі БДУ Ірына Анатольеўна Біруля.
Дынастыю Саніковіч (педагагічны стаж у БДУ – 64 гады) прадставіў доктар філалагічных навук, загадчык кафедры рускай мовы філалагічнага факультэта БДУ, прафесар Іван Сямёнавіч Роўда.
Прафесар кафедры рускай мовы філалагічнага факультэта БДУ Алена Яўгенаўна Долбік у сваім выступленні спынілася на навуковым і навукова-адукацыйным міжкафедральным супрацоўніцтве і ролі дацэнта кафедры рыторыкі і методыкі выкладання мовы і літаратуры І.М. Саніковіч у гэтай камандзе аднадумцаў.
Прадстаўнікі дынастыі Рубанік – Юлія Алегаўна Рубанік (Болтрыкава) і Вікторыя Алегаўна Рубанік (Лузань) – пераканаўча прадэманстравалі, што дынастыі ўзнікаюць у сем’ях, у якіх бацькі з цікавасцю займаюцца сваёй справай.
Саіскальнік кафедры рыторыкі і методыкі выкладання мовы і літаратуры філалагічнага факультэта БДУ Галіна Анатольеўна Назарава падкрэсліла значнасць настаўніцтва ў навуковай сферы, а таксама асобасныя якасці і прафесійныя навыкі свайго навуковага кіраўніка – дацэнта Т.У. Рубанік.
Студэнткі 4 курса спецыяльнасці «Руская філалогія» прадставілі рытарычны партрэт выкладчыка філалагічнага факультэта БДУ: дацэнта Т.У. Рубанік – Ганна Краснова, дацэнта І.М. Саніковіч – Дар’я Чапялевіч.
З пытаннем папулярызацыі навуковай школы ў навуковай прасторы выступіў загадчык кафедры рыторыкі і методыкі выкладання мовы і літаратуры філалагічнага факультэта БДУ Андрэй Аляксандравіч Акушэвіч.
Аддзел абслугоўвання філалагічнага і эканамічнага факультэтаў Фундаментальнай бібліятэкі БДУ падрыхтаваў выставу навуковых прац дацэнтаў кафедры рыторыкі і методыкі выкладання мовы і літаратуры І.М. Саніковіч і Т.У. Рубанік (загадчык аддзела – Крысціна Аляксандраўна Палянская).
Мадэратарам мерапрыемства выступіла кіраўнік навуковай школы, доктар педагагічных навук, прафесар кафедры рыторыкі і методыкі выкладання мовы і літаратуры філалагічнага факультэта БДУ Вольга Уладзіміраўна Праскаловіч.
Падводзячы вынікі мерапрыемства, яго ўдзельнікі адзначылі, што навуковая школа – гэта не проста група навукоўцаў, аб’яднаных агульнымі навуковымі інтарэсамі. Адна з якасных характарыстык навуковай школы: наяўнасць некалькіх пакаленняў. Не без гонару варта адзначыць, што навуковая школа БДУ «Тэорыя і практыка выкладання мовы, літаратуры і рыторыкі» з годнасцю прадстаўлена сямейнымі дынастыямі навукоўцаў і педагогаў.
