Дню Перамогі прысвячаецца

З 4 па 8 мая 2026 года супрацоўнікі кафедры тэарэтычнага і беларускага літаратуразнаўства БДУ дацэнты Вольга Прыемка, Ганна Мятліцкая і Алена Вострыкава правялі тэматычныя заняткі, на якіх пазнаёмілі студэнтаў з прэзентацыяй “Успаміны, апаленыя вайной: па старонках фальклорных запісаў з Фонду вучэбна-навуковай лабараторыі беларускага фальклору”.

Тэматычныя заняткі праводзіліся ў межах акцыі кафедры, прысвечанай Дню Перамогі, са студэнтамі 1 курса спецыяльнасцей “руская філалогія” (дысцыпліна “Фалькларыстыка”) і “беларуская філалогія” (дысцыпліна “Гісторыя беларускай літаратуры”), 2 курса спецыяльнасці “славянская філалогія” (дысцыпліна “Гісторыя чэшскай літаратуры”).

Падрыхтавалі прэзентацыю супрацоўнікі вучэбна-навуковай лабараторыі беларускага фальклору БДУ на чале з загадчыкам Верай Дзенісенка. Прэм’ера прэзентацыі адбылася ў 2024 годзе напярэдадні свята 9 Мая. Менавіта тады ўпершыню былі прадстаўлены матэрыялы пра Вялікую Айчынную вайну з архіваў лабараторыі. Пасля кожны год прэзентацыя абнаўлялася – папаўнялася новымі матэрыяламі. І гэты год не выключэнне.

Студэнты пазнаёміліся:

 з біяграфіяй дацэнта Веры Захаравай, заснавальніцы фалькларыстычнай школы БДУ, ініцыятара стварэння навукова-даследчай лабараторыі беларускага фальклору БДУ, якая ў часы Вялікай Айчыннай вайны працавала медсястрой ў блакадным Ленінградзе;

са спісам літаратуры, прысвечанай вывучэнню фальклору перыяду Вялікай Айчыннай вайны;

з успамінамі сведкаў Вялікай Айчыннай вайны з архіваў лабараторыі: аповедам пра падпольшчыцу, якая знаходзілася ў канцэнтрацыйным лагеры ў Францыі; запісам былога выкладчыка філалагічнага факультэта Уладзіміра Кароткага пра Брэсцкую крэпасць; дзённікам вязьня канцлагера;

з фота помнікаў, прысвечаных памяці загінуўшых воінаў перыяду Вялікай Айчыннай вайны;

з запісамі песень ваенных часоў з аўдыяархіву лабараторыі.

Знаёмства з прэзентацыяй паказала, што народная памяць пра Вялікую Айчынную вайну, зафіксаваная ў запісах вучэбна-навуковай лабараторыі беларускага фальклоруБДУ, будзе жыць у новых пакаленнях студэнтаў-філологаў, утвараючы непарыўную повязь часоў.