BY 
22–23 кастрычніка 2024 г. адбылася X Міжнародная навуковая канферэнцыя “Руская мова: сістэма і функцыянаванне”, прысвечаная 85-годдзю філалагічнага факультэта Беларускага дзяржаўнага ўніверсітэта. Канферэнцыя была арганізавана кафедрай рускай мовы філалагічнага факультэта БДУ пры падтрымцы Прадстаўніцтва Рассупрацоўніцтва ў Рэспубліцы Беларусь і Міжнароднай асацыяцыі выкладчыкаў рускай мовы і літаратуры.
У канферэнцыі прынялі ўдзел больш за 60 вучоных з Беларусі, Расіі, В’етнама, Кітая. Удзельнікі канферэнцыі прадстаўлялі наступныя ўніверсітэты і навукова-даследчыя арганізацыі: Варонежскі дзяржаўны ўніверсітэт; Дзяржаўны інстытут рускай мовы імя А. С. Пушкіна; Казанскі (Прыволжскі) федэральны ўніверсітэт; Маскоўскі педагагічны дзяржаўны ўніверсітэт; Нацыянальны даследчы ўніверсітэт “Вышэйшая школа эканомікі”; Петразаводскі дзяржаўны ўніверсітэт; Расійскі дзяржаўны гуманітарны ўніверсітэт; Санкт-Пецярбургскі дзяржаўны ўніверсітэт; Томскі дзяржаўны ўніверсітэт; Удмурцкі дзяржаўны ўніверсітэт; Беларускі дзяржаўны медыцынскі ўніверсітэт; Беларускі дзяржаўны педагагічны ўніверсітэт імя Максіма Танка; Беларускі дзяржаўны ўніверсітэт; Віцебскі дзяржаўны ўніверсітэт імя П. М. Машэрава; Гомельскі дзяржаўны ўніверсітэт імя Францыска Скарыны; Гродзенскі дзяржаўны ўніверсітэт імя Янкі Купалы; Міжнародны ўніверсітэт «МІПСА»; Мінскі дзяржаўны лінгвістычны ўніверсітэт; Магілёўскі дзяржаўны ўніверсітэт імя А. А. Куляшова.
На адкрыцці канферэнцыі выступілі з прывітальным словам прарэктар БДУ па навуковай рабоце Андрэй Блахін, намеснік кіраўніка Прадстаўніцтва Рассупрацоўніцтва ў Рэспубліцы Беларусь Аляксандр Ленін, дэкан філалагічнага факультэта БДУ Сяргей Важнік, віцэ-прэзідэнт Міжнароднай асацыяцыі выкладчыкаў рускай мовы і літаратуры Сяргей Кузняцоў.
На пленарным пасяджэнні даклады прадставілі вядомыя беларускія і расійскія вучоныя – дактары філалагічных навук: Сяргей Кузняцоў (СПбДУ), даклад “Ад функцыянальна-камунікатыўнага аналізу да камунікатыўна-рытарычнага сінтэзу тэксту”; Ніна Мячкоўская (БДУ), даклад “Навошта дзецям з роднай рускай мовай спатрэбіліся аказіянальныя назоўнікі і дзеясловы?”; Васіль Старычонак (БДПУ імя М. Танка), даклад “Прамыя і абарачальныя семантычныя мадэлі ў дэструктыўным кантынууме рускай і беларускай моў”; Генадзь Кавалёў (Варонежскі дзярж. ун-т), даклад “Анекдот… пасля класікі”; Кацярына Рахіліна (НДУ ВШЭ), даклад “Мікрадыяхранічныя даследаванні рускай мовы: новыя задачы, новыя інструменты, новыя вынікі”; Тамара Трафімавіч (БДПУ імя М. Танка), даклад “Беларуская пушкініяна: некаторыя вынікі існавання і магчымыя перспектывы развіцця”; Іван Роўда (БДУ), даклад “Міжмоўнае поле адпаведнікаў як аб’ект супастаўляльных і кантрастыўных даследаванняў”.
Праца секцый праходзіла па наступных навуковых і навукова-метадычных напрамках:
1. Руская мова ў дыяхранічным аспекце;
2. Традыцыйныя і новыя падыходы ў лексікалогіі, фразеалогіі, анамастыцы.
3. Граматычныя катэгорыі сучаснай рускай мовы (функцыянальны і прагматычны аспекты).
4. Філалагічны аналіз тэксту.
5. Руская мова ў супастаўленні з іншымі мовамі, праблемы перакладу.
6. Новыя тэхналогіі ў выкладанні рускай мовы.
У рамках работы канферэнцыі адбылася сустрэча дэкана філалагічнага факультэта Сяргея Важніка і кіраўніка Школы лінгвістыкі Нацыянальнага даследчага ўніверсітэта “Вышэйшая школа эканомікі” Кацярыны Рахілінай з абмеркаваннем перспектыў навуковых і адукацыйных кантактаў у напрамках тыпалагічнага апісання моў, выкладання рускай мовы як замежнай, корпуснай лінгвістыкі, падрыхтоўкі спецыялістаў-русістаў.
Юбілейная канферэнцыя прайшла на высокім навуковым узроўні. Прынята рашэнне прадоўжыць правядзенне такіх міжнародных форумаў, таму што яны ўмацоўваюць сувязі паміж БДУ і беларускімі і замежнымі ВНУ, садзейнічаюць падтрыманню прафесійных камунікацый, абмену вопытам і ідэямі, даюць магчымасць прадэманстраваць дасягненні айчыннай філалагічнай навукі, у прыватнасці навуковых школ БДУ, а таксама дазваляюць маладым вучоным развіваць навукова-даследчыя кампетэнцыі.
Па выніках канферэнцыі плануецца выданне зборніка матэрыялаў.
